عيون حبيبى

حبيبتى عليها عيون
ماشفت زيهم
ياابويا عاجبنى عنيها
ووخدنى سحرهم

نفسى أكون سباح
واعوم فى بحرهم

وبقيت أنام واحلم
فى نظْره منّهم

خطفت قلبى يا بويا
برموشها وظلّهم
ويروح النوم من عينى
لو يوم ماشفتهم

بسمة وتسبيلة جميله
آهين وآه من حسنهمصدقنى يا بويا يا غالى
والله عشقتهم
وكمان جوه فى قلبى
بدمى رسمتهم

مش حاسس حب تانى
يعادل حبهم

أنا خايف تخلا بيّا
ويشوينى جمرهم

واحس نار الفرقة
ودموعى وحرهم
وليالى سهاد طوال
ويصيبنى غدرهم
ولّا تسوقى الدلال
وتحاولى منعهم
من أى نظره ليا
واحس ببخلهم
ولا نظرات خداعه
يجرحنى مكرهمأو نظرات شفقه
ودا من عطفهم
أرجوك يا ابويا بسرعه
أنا طالب قربهم

وبكل شئ هضحى
وأجهز مهرهم

نفسى أطمن قلبى
وأرتاح من يمهم
وعنيها تبقى سكنى
وغطايا رمشهم